Votimi të premten në Asamblenë e përgjithshme të OKB-së qe i dështuar për Rusinë, që nuk arriti të rizgjidhej në Këshillin për të Drejtat e Njeriut të kësaj organizate.
Asambleja e Përgjithshme zgjodhi Hungarinë dhe Kroacinë për të përfaqësuar Europën Lindore në këshillin prej 47 vendesh.
Votimi është një reflektim i pakënaqësisë ndërkombëtare për përfshirjen e Rusisë në konfliktin sirian, duke kryer veprime ushtarake në krah të regjimit të Beshar Esadit.
Më tepër se 80 organizata ndihmash dhe të të drejtave u kishin kërkuar shteteve anëtare të OKB-së të votonin për ta lënë Rusinë jashtë këshillit.
Rusia mblodhi 112 vota, kundrejt 114 votave të Kroacisë dhe 144 votave të Hungarisë. Tre vendet garonin për vendet rajonale.
193 vendet anëtare të OKB-së votuan për 14 vendet e paplotësuara në UNHRC; një organizëm që ka për detyrë të mbikëqyrë dhe të hetojë shkeljen e të drejtave në tërë botën. /tesheshi.com/
