Kombëtarja ruse e futbollit nuk do të marrë pjesë në shortin e grupeve kualifikuese për EURO 2024, njoftoi të martën Federata Ruse e Futbollit.
Shorti do të hidhet më 9 tetor në Frankfurt.
“Arsyeja e këtij vendimi buron nga vendimi i Federatës Evropiane të Futbollit (UEFA) nga shkurti për ndalimin e pjesëmarrjes së ekipeve kombëtare dhe klubeve ruse në garat nën autoritetin e saj”, thuhet në deklaratën zyrtare të Federatës së Futbollit.
UEFA ka pezulluar ekipet dhe klubet ruse “pafundësisht” për shkak të pushtimit rus të Ukrainës.
Federata e Futbollit dhe katër klube ruse apeluan vendimin, por Gjykata e Arbitrazhit Sportiv e hodhi poshtë ankesën në korrik.
Gjermania po kërkon gjithashtu ndalimin e Bjellorusisë
Shoqata Botërore e Futbollit (FIFA) ndoqi shembullin e UEFA-s dhe ndaloi pjesëmarrjet e të gjitha ekipeve kombëtare ruse.
Javën e kaluar, Gjermania, e cila pret Kampionatin Evropian të vitit 2024, kërkoi që dhe kombëtarja e Bjellorusisë të përjashtohej nga kualifikimi, për shkak të mbështetjes që ky vend i jep Rusisë në pushtimin e Ukrainës.
Ministrja e Brendshme gjermane Nancy Faeser i dërgoi një letër presidentit të UEFA-s, Aleksander Ceferin, ku thuhej se Bjellorusia, “si një aleate kryesore e udhëheqjes ruse”, duhet të përjashtohet nga të gjitha ndeshjet dhe turnetë ndërkombëtare të futbollit. /tesheshi.com/
