Rreth 40 persona rrezikojnë të mbeten në “qiell të hapur” në zonën e Kombinatit në Tiranë. Shkak është bërë rrëshqitja e një masivi dheu në një kodër, që ndodhet pranë zonave të banuara, në rrugën “Haki Stërmilli”.
Banorët janë shprehur të frikësuar, se masivi i dheut mund t’u “pushtojë” shtëpitë, sidomos gjatë natës, kur ata flenë. Por, nga ana tjetër, ata kanë ngritur edhe shqetësimin se nuk kanë ku të zhvendosen, në rast se do të duhet të braktisin shtëpitë.
“Do biem dëshmorë. S’kemi zgjidhje tjetër. Jemi të sëmurë, pa punë dhe të djallosur”, është shprehur njëra prej banoreve të prekura.
Kryeplaku i fshatit, Shefqet Dervishi u ka sugjeruar atyre, se mund të strehohen përkohësisht në ambietntet e shkollës së lagjes.
Banorët kërkojnë ndihmën e shtetit për të marrë masa, kundër masivit të dheut, pasi sipas tyre, këto shtëpi janë investimi më i madh që kanë bërë gjatë gjihë jetës së tyre.
Edhë në zonën e Kthellës në Mirditë është shfaqur thuajse i njëjti problem. 5 shtëpi rrezikohen seriozisht, për shkak të çarjes së tokës. Kjo situatë, sipas autoriteteve lokale mendohet se ka ardhur nga reshjet e shiut./tesheshi.com
