Një shtetas libanez i kërkuar për rrëmbimin e një aeroplan TWA në vitin1985, në ngjarje ku humbi jetën dhe një pasagjer amerikan, është arrestuar në Greqi.
65-vjeçari u arrestua në ishullin Mykonos në bazë të një urdhri evropian arresti të lëshuar nga Gjermania për të, sipas një deklarate që nuk specifikonte identitetin e tij.
Sipas mediave greke, burri libanez u përfshi në rrëmbimin e një TWA 847 më 14 qershor 1985 menjëherë pas ngritjes nga toka.
Avioni u ngrit nga Kajro dhe do udhëtonte për në San Diego me ulje në Athinë, Romë, Boston dhe Los Angeles. Avioni u rrëmbye pas largimit të tij nga kryeqyteti grek.
Për 17 orë, piloti i TWA, John Testrake u detyrua të fluturonte lart mbi Mesdhe me 153 pasagjerë dhe ekuipazhin, nga Beiruti për në Algjeri dhe pastaj përsëri në drejtim të kundërt.
Avioni u ul në Bejrut tre herë para se të lejohej të ndalet patjetër atje.
Më 15 qershor 1985, në zbarkimin e parë në kryeqytetin e Libanit, një pasagjer 23-vjeçar, një marins amerikan, u torturua para se të vritej.
Trupi i tij u nxor jashtë në pistë. /tesheshi.com/
