“Shumë njerëz u lutën për ekipin e negociatave bërthamore gjatë Ramazanit, lutjet e tyre u dëgjuan”, ka qenë komenti i presidentit Iranian, Rouhani pas arritjes së marrëveshjes në Vjenë. Ai tha se kjo marrëveshje hap horizonte të reja.
“Sot, kemi arritur një pikë të rëndësishme në historinë e vendit tonë, revolucionit dhe situatës rajonale”, tha Rouhani në një fjalim në televizion.
Ai premtoi se Irani do të zbatojë marrëveshjen, nëse palët e tjera gjithashtu e zbatojnë atë.
Sipas tij, pakti është një marrëveshje ku fitojnë baraz të dyja palët dhe se regjimi i sanksioneve nuk pati sukses në programin bërthamor të Iranit. “Ai ndikoi vetëm jetën e njerëzve të thjeshtë”, tha presidenti. “Një faqe e re është hapur dhe një kapitull i ri ka nisur”, duke e cilësuar marrëveshjen pikënisje për besim midis Teheranit dhe botës. /tesheshi/
