Cristiano Ronaldo thyen heshtjen dhe i përgjigjet kritikëve. Ylli portugez i “Los Blancos” në një intervistë është shprehur se e surprizion fakti që opinioni publik për të është jo shumë pozitiv, por pavarësisht kësaj, katër herë fituesi i “Topit të Artë”, deklaron se kjo është një pjesë që nuk e shqetëson aspak. Sipas Ronaldos shifrat flasin qartë për të, 411 gola në 400 paraqitje me fanellën e Realit .
“Mesa duket duhet të tregoj ndeshje pas ndeshje se kush jam. Më surprizion opinoni që kanë njerëzit për mua edhe pse shifrat flasin në favorin tim. Personalisht kjo pjesë nuk më shqetëson aspak, pasi jam një futbollist profesionist. Ndihem i kënaqur që kam arritur kuotën e 411 golave në 400 paraqitjeve me fanellën e Realit dhe sigurisht që do të vazhdoj të shënoj”, shprehet portugezi.
Gjatë këtyre muajve në radhët e klubit merenges kanë rinovuar kontratën shumë futbollistë, ndërkohë që për sulmuesin ende nuk ka ardhur ky moment.
I pyetur në lidhje me këtë çështje, Ronaldo u shpreh se ai që mund të japë një përgjijge për këtë temë është Presidenti Florentiono Perez.
“Më vjen mirë për shokët e mi të skuadrës që do të vazhdojnë aventurën e tyre tek Reali. Kontributi i tyre është vlerësuar. Përsa i përket kontratës time, për këtë mund të pyesni Presidentin!”, tha ai. /tesheshi.com/
