Ylli i Real Madridit, Christiano Ronaldo u kërkoi ndjekësve të tij që të kujtojnë dhe ndihmojnë fëmijët refugjatë sirianë, të cilët janë prekur nga kriza e vazhdueshme në vendin e tyre, kanë humbur të dashurit e tyre nga bombardimet, kanë përjetuar urinë dhe janë mbytur në Mesdhe, me shpresën për të gjetur një strehë të sigurt.
Në një mesazh të postuar në llogarinë e tij të Twitter, Ronaldo tha se, “ndonëse shumë gjëra mund të ndodhin brenda pesë viteve, asgjë nuk ka ndryshuar për fëmijët refugjatë sirianë”.
“Mos i harroni ata”, shtoi ai.
Kjo nuk është hera e parë që Ronaldo merr masa për fëmijët në Lindjen e Mesme.
Ai më parë ka postuar një mesazh duke thënë se fëmijët e Sirisë janë heronjtë e vërtetë:
“Kjo është për fëmijët e Sirisë, ne e dimë që ju keni vuajtur shumë, unë jam një lojtar shumë i famshëm, por ju jeni heronjtë e vërtetë, mos e humbni shpresën tuaj, bota është me ju. Unë jam me ju.”
Në vitin 2015, ai u takua me djalin e një babai sirian, të cilëve iu vu stërkëmëshi në mënyrë poshtëruese nga një gazetare hungareze, ndërsa po përpiqeshin të kalonin kufirin për të arritur në Evropë.
Gjithashtu në të njëjtin vit, ai priti një djalë të vogël libanez, i cili kishte mbetur jetim pas një sulmi terrorist në Bejrut.
Në vitin 2016, Ronaldo u takua me Ahmed Dawabsheh, një djalë pesëvjeçar palestinez, i cili ishte i vetmi i mbijetuar i një familjeje, shtëpia e të cilit u dogj nga ekstremistët izraelitë. /tesheshi.com/
