Cristiano Ronaldo dhe Al-Nassr i tij përjetuan një moment të vështirë pasi u mposhtën 5:0 nga skuadra e Celta Vigos në një ndeshje miqësore. Pasi Ronaldo dhe Brozoviç u larguan nga loja, skuadra spanjolle mposhti skuadrën e Arabisë Saudite dhe i shënoi të pesë golat në harkun e vetëm 18 minutave.
Por pas ndeshjes, përveç rezultatit, u fol edhe për atë që tha ylli portugez. Përkatësisht, Ronaldo pohoi se vetëm Premierliga angleze e ka ruajtur një nivel të tillë, ndërsa ligat e tjera kanë humbur cilësinë.
“Nuk do të kthehem në Evropë, e kam mbyllur plotësisht atë derë, jam 38 vjeç, por edhe futbolli europian ka humbur cilësinë. E vetmja që vlen është Premier League.
Ata janë shumë përpara të tjerëve, ndërsa kampionati saudit është më i mirë se MLS(aty ku ka shkuar Messi). Unë thashë që liga do të jetë ndër pesë më të mirat në botë në tre vitet e ardhshme dhe nuk ndaj mendimin se këtu vijnë vetëm lojtarë me përvojë. Jota dhe Ruben Neves nuk janë të moshuar”, tha Ronaldo dhe vazhdoi:“Unë nuk do të kthehem në Evropë, i hapa dyert e Arabisë Saudite për të gjithë dhe tani të gjithë vijnë këtu. Më kritikuan në fillim, por çfarë tani?”, tha ai.
“Një numër i madh i lojtarëve kryesorë kanë ardhur dhe do të vijnë më shumë. Vendimi për të ardhur këtu ishte vendimtar edhe për të tjerët. Këto janë faktet. Kur erdha në Juventus, Seria A ishte e vdekur dhe më pas u kthye në jetë. Kudo ku kam shkuar kam rritur interesin”, shpjegoi ai.
Ndërsa për humbjen e thellë ndaj Celta-s tha:
“Na mungonin disa lojtarë të rëndësishëm, por në pjesën e parë ishim më të mirë. Gjyqtari e prishi lojën më vonë”. /tesheshi.com/
