Ylli portugez Cristiano Ronaldo thotë se ai lehtësisht e morri vendimin për të lëvizur nga Real Madrid drejt Juventusit, dhe se me ekipin italian dëshiron të shkruaj një histori të re dhe të fitojë Ligën e Kampionëve.
Ronaldo tha se të gjithë te Juventusi janë duke punuar me një qëllim të përbashkët, pikërisht për ta sjellë Champions-in në Torino, këtë vit apo vitin e ardhshëm.
“Juventus është një prej klubeve më të famshëm a në botë dhe të gjithë e pranojnë këtë. Ne po punojmë shumë dhe unë jam shumë i lumtur në mjedisin e ri”, ka thënë Ronaldo, tashmë 33-vjeçar, transferimi i të cilit nga mbretërorët në Spanjë te Zonja e Vjetër në Itali, u bë lajmi më i bujshëm në botën futbollistike pas Botërorit në Rusi.
Ronaldo tha se kishte fituar të gjitha që mund të fitonte te Real Madrid dhe se aty kishte ende shumë miq të cilët ai konsideronte si pjesëtarë të familjes së tij.
“Juventusi më tregoi se më dëshiron sinqerisht brenda rradhëve të saj. Ai më dha një shans dhe unë jam i lumtur. Në këtë klub unë dua që të rishkruajë një tjetër histori suksesi”, tha Ronaldo. /tesheshi.com/
