Arjen Roben e mbyll me Kombëtaren Holandeze. Ndeshja e zhvilluar të martën kundër Suedisë, ka qenë e fundit për 34-vjeçarin, i cili shënoi të dy golat e fitores së “Portokallinjve”, por pa mundur të kualifikojë skuadrën e tij për në Botëror.
Gjysëmsulmuesi i djathtë me të majtën e tij të theksuar dhe shpejtësinë e vrapimit, ka shënuar 37 gola për Kombëtaren e Holandës, në 96 ndeshje të luajtura.
Me golat kundër Suedisë, mëngjarashi ka kaluar sulmuesin Van Nistelroj në renditjen e shënuesve më të mirë holandezë dhe ka barazuar Berkamp.
Në këtë mënyrë, Roben bëhet shënuesi i pestë më i mirë i historisë së Holandës. Arjen Roben është ndër të paktët yje të Holandës së sotme, e cila ashtu si 20 vjet më parë, duhet ta nisë nga zero, për të rigjetur yjet e së ardhmes. /tesheshi.com/
