Rifillon seanca e Kuvendit të Kosovës me raportin e komisionit për legjislacion, të prezantuar nga Selvie Halimi.
Ajo tha se dy kandidatët i plotësojnë kushtet dhe mund të vazhdohet me procedim.
Dy deputetë të Lidhjes Demokratike të Kosovës, Armend Zemaj e Doruntinë Maloku janë deklaruar publikisht se do të votojnë kundër zgjedhjes së Hashim Thaçit në postin e presidentit të Kosovës.
Por, megjithatë, këta deputetë kanë konfirmuar pjesëmarrjen e tyre në seancë. Në sallë nuk janë fare të pranishëm të paktën tre deputetë të LDK-së, Anton Çuni, Vjosa Osmani e Adem Salihaj.
Paraprakisht, kundër kandidaturës së Hashim Thaçit ishte deklaruar edhe deputeti tjetër i LDK-së, Arben Gashi, i cili është parë të jetë i pranishëm në sallë.
Nisin procedurat për zgjedhjen e Presidentit të Kosovës. /tesheshi.com/
