8 Marsi, shumë gra kosovare sot i ka gjetur në kampet dhe malet e Hungarisë. Ato, në vend të luleve kishin përpara nje copë bukë apo një zjarr të ndezur dikund në male për t’u ngrohur me fëmijët e tyre që kishin marrë botën në sy duke kaluar zonat kufitare Serbi- Hungari. Sipas agjencise se lajmeve “Presheva jonë” kolonave të eksodit u gjenden mbi 20 mijë femra, të cilat jo vetëm se ishin viktima të eksodit, por edhe edhe kalvarit të rëndë ne kampet hungareze, per të cilat posedon deshmi agjencia e lajmeve “Presheva jonë”.
Shifrat e fundit mbi ekosdin masiv të kosovarëve jo vetem nga mediat shqiptare por edhe ato botërore jane shqetësuese. Sipas tyre, këtë vit , dmth tre muajt e fundit nga Kosova u larguan mbi 50 mijë shqiptarë, apo për një vit, që kur nisi ngerçi institucional, 230 mijë kosovarë lëshuan Kosovën, përshirë këtu edhe 6 mijë nxënës të cilet u ndanë me lot nga shokët e shoqet e klasës, u ndane nga Abetarja dhe shkolla e dashur në gjuhen shqipe. në mesin e këtyre shufrave alarmante, një numer i konsiderueshëm i emigrantëve ishte edhe nga radhët e grave, nënave shqiptare që kishin marrë me vete fëmijët e tyre për shkak të papunësisë dhe krizës ekonomike e sociale në Kosovë.
Problemin e eksodit të shqiptarëve nga Kosova e ka ngritur edhe gazeta e njohur amerikane, NY Times, e cila i ka kushtuar një reportazh eksodit të kosovarëve nga toka e tyre të titulluar: Kosovarët luftonin për tokën e tyre, tani ikin prej saj.
Siç kemi parë në fotot e botuara nga mediat botërore shumë femra kosovare me fëmijë në krah kanë kaluar në male e gërxhe duke ecur kufirit të Serbisë e Hungarisë, në këto ditë acari.
Gazetaret e agjencisë së lajmeve “Presheva jonë” në Zvicër kanë takuar nje grup emigrantësh shqiptarë, kryesisht nga Kosova që jetojnë në Francë që pretendojnë të kalojnë një ditë në Gjenevë. Njera nga to, A.S. nga Ferizaj thotë se «Në vendin tim s’ka punë, Burri im ka punuar në fillm të pasluftes si pëkthyes me ndërkombëtarët, Qe të dy jemi të diplomuar, sot jemi pa punë. Une s’jam sakat, do të punoja edhe token fizikisht po as ajo nuk të paguhet fare… Kam një vëlla jashtë, në Zvicër por edhe ai është lodhur me ne, jep e jep tash edhe atij ju kanë rritur fëmjët dhe s’po mundet të na ndihmojë më..”
