Shefi i shërbimit shëndetësor në kryeqytetin e Suedisë, Stokholm, kërkoi ndihmën e qeverisë sepse spitalet e qytetit po mbushen shumë shpejt me pacientë që vuajnë nga COVID-19 në mes të një vale të re gjithnjë e më serioze të infeksioneve, shkruan Bussines Insider.
Bjorn Eriksson, drejtori i kujdesit shëndetësor për rajonin e Stokholmit, tha të mërkurën se njësitë e kujdesit intensiv në rajon ishin pothuajse plot me të sëmurë nga koronavirus dhe kërkoi nga qeveria që të dërgojë infermierë shtesë dhe stafin e spitalit për t’u kujdesur për numrin e pacientëve me COVID.
Gati një miliard doza të kandidatëve kryesorë për vaksinën COVID-19 janë siguruar për vendet me të ardhura të ulëta dhe të mesme nën programin COVAX, tha Organizata Botërore e Shëndetësisë (OBSH).
Drejtori i Përgjithshëm i OBSH-së Tedros Adhanom Ghebreyesus tha se 189 vende po marrin pjesë në programin COVAX, raporton Reuters.
Shefi shkencëtar i OBSH-së Soumya Swaminathan shtoi se OBSH pret të marrë vendime në javët e ardhshme nëse do të miratojë përdorimin emergjent të vaksinave të prodhuara nga Pfizer, Moderna dhe AstraZenca.
Miratimi i OBSH-së mund të lejojë që vaksina të vendoset në disa vende ku rregullatorët kombëtar të shëndetit nuk janë ende në gjendje të kryejnë një vlerësim.
Swaminathan tha të paktën 10 kompani kanë shprehur interes ose kanë paraqitur një kërkesë për miratimin urgjent të kandidatëve për vaksina.
COVAX është një iniciativë globale e OBSH-së për shpërndarjen e drejtë të rezervave të vaksinave të koronavirusit në vendet e pasura dhe të varfra. /tesheshi.com/
