Pas 109 viteve, muzeu i Alfabetit të Shqipes u vizitua nga një president shqiptar. Ilir Meta ishte në Manastir, gjegjësisht shtëpinë e rilindasve shqiptarë, në Muzeun e Alfabetit, nga ku theksoi do të jetë në dispozicion për t’i dhënë kontributet që kërkohen, duke shtuar se ky muze duhet të vizitohet edhe nga nxënësit e të gjitha trojeve shqiptare.
Presidenti Meta vizitoi për së afërmi dhomat e mbushura me fotografi e dokumente të vëna gjatë aktit të përpilimit të alfabetit më 22 Nëntor të vitit 1908.
Kreu i shtetit shqiptar theksoi se Kongresi i Manastirit ka një rëndësi të madhe, sepse sipas tij ai përshpejtoi shpalljen e Pavarësisë së Shqipërisë.
“Unë besoj se Jemi në një erë tërësisht te re te bashkëjetesës së qytetareve ndëretnik këtu në Maqedoni dhe sidomos të progresit të shkëlqyer të marrëdhënieve midis dy vendeve tona. Jam i bindur që Manastiri do të jetë shumë i vizitueshëm nga shqiptarët e Shqipërisë dhe të diasporës. Besoj se nxënësit do të jenë shumë më shpesh në Manastir për tu njohur me këtë ngjarje historike”, tha Meta.
Kryetarja e Komunës së Manastirit, Natasha Petrovska, se shënimi i kësaj dite është akt i bashkëjetesës së mirë në këtë qytet historik. Më kërkesë të presidentit shqiptarë ajo u zotua se do të vizitoj Shqipërinë për të thelluar bashkëpunimin.
“Me mysafirin tim te respektuar biseduam sot për mundësitë e bashkëpunimit të ndërsjellë në sferën e arsimit, turizmit dhe ekonomisë. Kjo do te jete e rëndësishme për të dyja palët për të intensifikuar bashkëpunimin në dy anët e kufirit dhe jam e bindur se kjo do të ndodh shumë shpejtë”, theksoi Petrovska, gruaja që udhëheq një qytet me rrënjë shqiptare.
Miradie Hasani – /tesheshi.com/
