Xhiroja rreth botës e Solar Impulse 2, avionit diellor të projektuar nga pilotët zviceranë Bertrand Piccard dhe André Borschberg, vijon të mbajë ende hapur velat. Ekipi ka bërë me dije nëpërmjet një postimi në Twitter se faza e dytë e udhëtimit është përmbyllur pa asnjë problem. Solar Imoulse 2, i nisur nga Moscati në Oman, është ulur dje në Ahmedabad në Indi, rreth orës 23:25 me orën lokale.
Ai që ka pilotuar avionin që është ulur në qytetin indian, ishte Bertrand Piccard, i cili ka zëvendësuar André Borschberg, i cili përfundoi fazën e parë të udhëtimit. Gjatë udhëtimit të dytë, Solar Impulse 2 ka shënuar një rekord të ri, duke fluturuar për 15 orë rresht, pa ndërprerje.
Herën e parë, avioni diellor ka mundur të kalojë oqeanin duke përdorur vetëm energjinë diellore, pa aspak karburant. Ulja e tij u lehtësua nga kushtet e mira të motit.
Avioni ka hapur krahët prej 72 metrash të gjatë dhe është nisur në fluturim, por për shkak të peshës së tij të lehtë, e cila është vetëm 2300 kilogramë, për çdo pilot do të ishte thuajse e pamundur të bënte zbritjen pa dëmtuar krahët e mjetit fluturues.
Në përfundim të fazës së dytë fluturuese, Piccard u detyrua të ngadalësojë në maksimum shpejtësinë e tij, për të mos shkaktuar dëme kabinën e avionit.
Ekipi i Solar Impulse është shprehur i vendosur për të vijuar udhëtimin rreth botës, pavarësisht kushteve të vështira në fluturim. Nëpërmjet Twitterit, ekipi ka lëshuar mesazhin se Solar Impulse 2 nuk është vetëm një avion, por është e ardhmja e pastër (duke marrë parasysh se avioni nuk përdor karburant por energjinë diellore, pra nuk ndot ambientin)./tesheshi.com/
