Me kërkesë të Ministrit të Diasporës, Valon Murati, është shtyrë procesi i hartimit për regjistrimin e diasporës dhe mërgatës. Kjo kërkesë është aprovuar nga Kabineti i Qeverisë së
Republikës së Kosovës duke marrë vendim që ky proces të zgjatet edhe për një vit.
Kjo vjen si rezultat i rishikimit të procesit nga ana e Ministrisë së Diasporës, adresimi i boshllëqeve të krijuara gjatë vitit të kaluar, ashtu që procesi për Diasporën dhe Mërgatën 2013-2018 është i karakterizuar si objektiv strategjik i Republikës së Kosovës, që të përfundojë në mënyrën më të mirë të mundshme.
Për të evituar çfarëdo lloj keqkuptimi, procesi nuk do të ndalet këtë vit, me këtë nuk do të ndalen as aktivitetet që lidhen me këtë proces. Sipas planit të veprimit, procesi i hartimit të regjistrit që ka filluar në vitin 2013 ishte paraparë të përfundojë në vitin 2016.
Mirëpo, për të pasur rezultate sa më të mirë dhe proces gjithëpërfshirës, Ministria e Diasporës kërkoi zgjatjen e afatit për përfundimin e këtij procesi, gjë që u aprovua nga Kabineti qeveritar./tesheshi.com/
