SHBA-të paralajmëruan se një referendum i pavarësisë për qeverinë rajonale kurde (KRG) për t’u larguar nga Bagdadi vetëm sa do të “rrisë paqëndrueshmërinë”.
Votimi vetëm sa ka ngritur tensionet me qeverinë kombëtare të Irakut dhe vendet fqinje. Ndërsa pritet një përfundim me “Po” dërrmuese, vota nuk është detyruese dhe zyrtarët kurdë kanë thënë se nuk kanë plane për një deklarim të menjëhershëm të pavarësisë.
“Shtetet e Bashkuara janë thellësisht të zhgënjyer që qeveria rajonale e Kurdistanit ka vendosur të mbajë një referendum të njëanshëm mbi pavarësinë, duke përfshirë edhe zonat jashtë rajonit të Kurdistanit irakian”, tha zëdhënësja e Departamentit të Shtetit Heather Nauert në një deklaratë.
Ajo shtoi se marrëdhëniet historike të SHBA me popullin e rajonit të Kurdistanit në Irak nuk do të ndryshojë në dritën e referendumit jo-detyrues, por ne besojmë se ky hap do të rrisë paqëndrueshmërinë dhe vështirësitë për rajonin e Kurdistanit dhe popullin e saj.
Bagdadi, Turqia, Irani, Shtetet e Bashkuara dhe OKB kanë folur të gjithë kundër sondazhit, duke thënë se kjo vetëm sa do t’i shkëpusë nga lufta e vazhdueshme kundër Daesh dhe do të destabilizojë më tej rajonin.
Javën e kaluar forcat e armatosura turke filluan një stërvitje ushtarake në rajon rreth qytetit kufitar Silopi duke përfshirë 100 automjete ushtarake, të cilat vazhduan me përforcime këtë fundjavë. Forcat irakiane gjithashtu morën pjesë në stërvitjet ushtarake turke më vonë të hënën.
Parlamenti turk miratoi me shumicë dërrmuese një vazhdim një vjeçar të një mandati për të përdorur trupa jashtë vendit në Siri dhe Irak dhe qeveria qendrore e Irakut ka kërcënuar të ndërhyjë ushtarakisht nëse votimi çon në dhunë.
Presidenti i KRG Masoud Barzani ka thënë se një fitore “Po” nuk do të rezultojë në një deklaratë automatike të pavarësisë, por thjesht do të çonte në negociata të mëtejshme me Bagdadin. /tesheshi.com/
