Irani dhe Iraku mbyllën të gjitha pikat kufitare me qeverinë rajonale kurde (KRG), në përgjigje të mbajtjes së referendumit për pavarësinë.
Parlamenti i Irakut votoi për të mbyllur të gjitha pikat kufitare me rajonin kurd.
“Me kërkesë të qeverisë irakiane, ne kemi mbyllur kufijtë tanë tokësorë dhe ajror me Kurdistanin iraken”, tha zëdhënësi i ministrisë së jashtme Bahram Ghasemi në një konferencë shtypi duke shtuar se referendumi ishte “ilegal dhe i paligjshëm”.
Agjencia iraniane ISNA, njoftoi të dielën se Këshilli i Lartë Kombëtar i Sigurimit mbylli hapësirën ajrore iraniane në zonën kurde të Irakut me kërkesë të qeverisë qendrore në Bagdad.
Ghasemi u tha gazetarëve se votimi mund të “çonte në zhvillime dhe ngjarje që mund të preknin të gjithë njerëzit në rajon dhe sidomos kurdët”.
Ghasemi përsëriti se Irani mbështet “integritetin territorial dhe procesin demokratik” në Irak.
Që prej të dielës, Garda Revolucionare e Iranit po kryen një stërvitje ushtarake në rajonin kurd veriperëndimor të saj që kufizohet me Irakun, si një shenjë e shqetësimeve të Teheranit rreth votimit. /tesheshi.com/
