E gjithë bota ka ndjekur shpëtimin e djalit Rayan, 5 vjeç nga Maroku, i cili ra në një pus të thellë 32 metra.
Ndonëse mbrëmë ka shpëtuar, fatkeqësisht ka ndërruar jetë shumë shpejt dhe shumë janë duke i dhënë lamtumirën këtij të voglit përmes rrjeteve sociale.
Teksa në media u prezantuan shumë detaje për fëmijën, disa prej tyre raportuan edhe kuptimin e emrit të tij.
Rayyan në arabisht do të thotë “të shuash etjen” ose “Ai që pi derisa të ngopet”.
Në një faqe internet thuhet:
“Sipas një transmetimi profetik, Rayan është një nga porta e Xhenetit kushtuar atyre që kanë agjëruar shpesh në jetë. Rayani rrjedh nga rrënja R-W-Y, që do të thotë ai që është i ngopur me ujë, i cili nuk ka etje.”
Një tjetër faqe pretendon në mënyrë të ngjashme:
“Rayyan në arabisht do të thotë e kundërta e të eturit, që do të thotë se është një person që pi dhe e shuan etjen.”
Shumë e kanë lidhur këtë me fatin e tij tragjik, sepse Rayan ra në një pus dhe fatkeqësisht nuk mbijetoi.
Kujtojmë se babai i tij tha se Rayan “për një moment” ra nga sytë teksa luante pranë pusit.
“I lutem Zotit që ta gjejmë gjallë dhe shëndoshë”, tha nëna e djalit Wassima Kharchich.
Fatkeqësisht, një gjë e tillë nuk ndodhi, ndërkohë që shumë zyrtarë dhe fytyra publike shprehën ngushëllimet e tyre sepse të gjithë shpresonin në një përfundim tjetër. /tesheshi.com/
