Qeveria greke bëri me dije këtë të enjte se nuk do të shkojë fort shpejt drejt procesit të ratifikimit të Marrëveshjes së Prespës, duke theksuar se “ka për qëllim të informojë dhe të fundit qytetar grek për aspekte të kësaj marrëveshjeje” me Maqedoninë për emrin e ri.
Parlamenti maqedonas votoi javën e kaluar për të ndryshuar Kushtetutën, prej së cilës u sanksionua dhe emri i ri Republika e Maqedonisë Veriore, siç është rënë dakord me Greqinë. E tashmë Shkupi është në pritje të Athinës, që dhe ajo ta ratifikojë Marrëveshjen e Prespës, në mënyrë që emri ri të nisë e të bëhet praktik.
“Ne besojmë se është e rëndësishme që të kemi një debat televiziv me liderin e opozitës, ndërsa edicionin e të dielës së gazetave greke, do botohet teksti i plotë i marrëveshjes para se të fillojë procesi i ratifikimit të saj”, u tha në një deklaratë nga zyra e kryeministrit grek Aleksis Tsipras.
Pas morri një tjetër votëbesim, Tsipras pritet ta çojë Marrëveshjen e Prespës që të premten në komisionin parlamentar për Punë të Jashtme dhe të Mbrojtjes, ndërsa seancën kryesore të ratifikimit të mbajë javën e ardhshme.
Sipas Kushtetutës greke, Marrëveshja e Prespës nuk duhet të miratohet me patjetër nga shumica e deputetëve në mënyrë që të hyjnë në fuqi, por siç shpjegoi kreu i parlamentit grek Nikos Voutsis, marrëveshja duhet të miratohet nga 151 të 300 për të mirën e vendit dhe për të treguar se një shumicë e tillë ekziston.
Përndryshe, siç theksoi Voutsis, do të kishte interpretime të ndryshme të marrëveshjes.
Të dy vendet ranë dakord mbi emrin e tyre në qershor, por Maqedonia do ta përdorë atë vetëm kur parlamenti i Athinës të ratifikojë këtë marrëveshje.
Kryeministri maqedonas Zoran Zaev, shtunën bëri thirrje për, siç tha ai, që “miqtë e tij greke” të lënë pas fërkimet dhe të ratifikojnë marrëveshjen. /tesheshi.com/
