Kryeministri Rama e cilësoi qesharake mënyrën e trajtimit mediatik, apo dhe politik, të rastit të Gramshit, ku u pretendua se një treshe, dy rusë dhe një ukrainas, sulmuan ish-Uzinën Ushtarake.
Ai nuk i qëndron variantit që ata me patjetër janë spiunë, porse thotë se qëllimet e tyre, se pse janë në Shqipëri, do dalin nga hetimet.
“Mjegulla e ngritur mbi objektet e rëndësisë së veçantë ishte për të qarë dhe për të qeshur. Ato nuk janë objekte të rëndësisë së veçantë. Ata janë karakatina të skualifikuara nga objektet e rëndësisë së veçantë që në vitin 2012. Ato janë deri në pikën ku iu priten edhe dritat por kanë disa roje që janë për të mbrojtur atë perimetër nga
zaptimet.
Të thuash se po bëjnë spiunazh duke fotografuar mbetjet e komunizmit është qesharake. Ajo që duhet të na shqetësojë është që çfarë qëllimesh kanë këta persona në vendin tonë. I takon hetimit të nxjerrë më shumë, shqetësimi ynë është se çfarë qëllimesh kanë këta persona. Duhet të shohim nga hetimi dhe gjykimi se cili është qëllimi i vërtetë.
Të flasësh për cënim të sigurisë kombëtare se u shfaqën disa persona të dyshimtë është e drejtë po se u shfaqën duke fotografuar ca mbeturina të komunizmit është qesharake. Por se çfarë fshihet pas kësaj, që u bë e madhe me ndihmën tuaj, do të zbulohet nga hetimet”, tha Rama.
Deklarata e tij u bë gjatë një conference shtypi me kryeministrin e Luksemburgut Xavier Bettel. /tesheshi.com/
