Një grua gjermane 65 vjeçare, nënë e 13 fëmijëve, ka sjellë në jetë 4 fëmijë binjakë. Lajmi është bërë i ditur fillimisht në stacionin televiziv RTL, i cili bën me dije se lindja nuk ka qenë natyrale por me operacion cezarian në një spital në Berlin.
Gruaja, Annegret Raunigk ka tashmë 13 fëmijë.
4 të vegjlit kanë lindur para kohe, në javën e 26-të të shtatzënisë dhe gëzojnë shëndet të plotë, duke qenë se janë jashtë rrezikut për jetën. Mjekët kanë pohuar për mediat se të vegjlit kanë pasur komplikacione gjatë lindjes, por asnjë gjë serioze në lidhje me shëndetin e tyre, ndërsa po mbahen nën vëzhgimin e personelit të spitalit.
Shtatzënia e saj, për të cilën media gjermane ka folur edhe më parë, ka shkaktuar polemika të shumta dhe kritika mes gjinekologëve gjermanë, shumë prej së cilëve kishin shprehur dyshime për mundësitë fizike të gruas duke pasur parasysh moshën e saj.
Annegret Raunigk, nga Berlini, është 65 vjeçe dhe është nëna e 13 fëmijëve. Ajo është bërë shtatë herë gjyshe.
RTL raporton se përveç se ka një familje tepër të madhe, dhe vetë është e madhe në moshë, nëna me shumë fëmijë, këtë shtatzëni ia ka kushtuar vajzës së saj më të vogël, e cila është vetëm 9 vjeçe dhe i ka kërkuar një motër apo vëlla tjetër.
Në vend të një, me sa duket, gruaja do ti dhurojë 4. Gruaja ka thënë: “Ishte diçka që nuk e prisja. Fola me gjinekologun. U mendova dhe mora vendimin që ti mbaj fëmijët”.
Annegret është mësuese anglishteje dhe rusishteje në shkollat fillore në Angli, në prag pensioni. Ajo nuk shqetësohet aspak për moshën.
“Nuk kam aspak frikë. Më pëlqejnë lindjet dhe jam në gjendje të mirë shëndetësore e shpirtërore. Mendoj se shtatzënia është diçka shumë personale dhe se gjithësecili duhet të marrë vetë vendimet për jetën e tij”,- kanë qenë fjalët e gruas disa muaj përpara se të lindte fëmijët e saj. /tesheshi.com/
