Auto Dak
Auto Dak
Auto Dak

Banka e Anglisë po studion rreziqet e daljes së Britanisë nga BE-ja

Banka qendrore e Anglisë zbuloi sot se ajo aktualisht është duke studiuar rreziqet ekonomike që mund të rezultojnë nga dalja e mundshme e Britanisë nga Bashkimi Evropian.

Gazeta britanike The Guardian raportoi se ndihmësi një zyrtari të lartë në bankën qendrore tha nëpërmjet një e-maili se tema e studimit të pasojave ekonomike të daljes së Londrës nga bashkimi evropian duhet të mbahet i fshehtë nga shumica e punonjësve të bankës dhe nga gazetarët.

Më parë kryeministri britanik David Cameron, i cili fitoi zgjedhjet e fundit, premtoi se do të rivlerësojë marrëdhëniet e vendit të tij me Bashkimin Evropian me anë të një referendumi popullor nga ku populli i Britanisë do të vendosë nëse Britania do vazhdojë të qëndrojë si vend anëtarë apo do të dalë prej saj. Ky referendum pritet të organizohet në vitin 2017.

Për këtë rast merret shembull referendumin një vit më parë, nëpërmjet të cilit u vendos për pavarësinë e Skocisë nga Mbretëria e Bashkuar. Banka është e prirur për të shmangur çdo koment rreth studimit të rreziqeve ekonomike të përmendura duke ditur që ka një debat politik që po ndodh në Britani mbi temën e anëtarësimit evropian.

Nuk është e habitshme

Banka qendrore Britanike tha se “nuk duhet të duket e habitshme rivlerësimi i marrëdhënieve të Britanisë me BE-në” duke shtuar se kjo është një nga përgjegjësitë e saj, por ajo theksoi se nuk do të zbulojë rezultatet e vlerësimit në fillim, pasi kjo gjë do të bëhet në kohën e duhur.

Shumë nga kompanitë lider britanike në treg i frikësohen humbjes së tregjeve të eksportit në qoftë se Londra braktis anëtarësimin e saj në Bashkimin Evropian, ashtu siç ka një debat publik në lidhje me ndikimin e kësaj daljeje në sektorin financiar britanik.

Deutsche Bank njoftoi në datën 19 të këtij muaji, se filloi përgatitjet paraprake për mundësinë e daljes së Britanisë nga BE-ja, pasi kjo është banka e dytë më e madhe në eurozonë në aspektin e aseteve dhe që ka një aktivitet të madh në Britani. /tesheshi.com/

auto pjese dak

Related posts