Ramush Haradinaj do të mbërrijë në Kosovë në orët e mbrëmjes. Pasi ka kryer procedurat për marrjen e pasaportës vetë kreu i AAK ka marrë frymë lirisht dhe bërë të ditur me anë të një mesazhi se gjithçka mbaroi për mrië dhe se do të rikthehet në atdhe.
Ka qenë vetë ambasada e Kosovës në Slloveni që ka bërë të ditur se Haradinajt i është kthyer pasaporta dhe se ai do të udhëtojë gjatë mbrëmjes për në Prishtinë,
Këtë e ka bërë të ditur me një njoftim zyrtar edhe Aleanca për Ardhmërinë e Kosovës, e cila po ashtu ka konfirmuar lirimin e kryetarit Ramush Haradinaj.
“Kryetari Haradinaj pritet të mbërrijë sonte në Kosovë. Aleanca ka falënderuar të gjithë qytetarët e Republikës së Kosovës për përkrahjen e dhënë gjatë këtyre ditëve. Vetë Haradinaj, sapo ka marrë pasaportën, ka shkruar një mesazh në rrjetin social Facebook:
“Të nderuar qytetarë të Kosovës, sot zyrtarisht janë kryer të gjitha procedurat e ndërlidhura me ndalesën time në Slloveni. Në Kosovë pres të arrijë dikur vonë, sonte, posa të qartësohet orari i fluturimit. Mbetem i vendosur dhe i angazhuar në vazhdimin e detyrave dhe obligimeve qe na presin. Shprehe falënderimin për të gjithë ata që kanë bashkëndjerë me këtë situatë të pakëndshme”, ka shkruar Haradinaj.
Ora 13.00
Ramush Haradinaj pritet të rikthehet sot në Kosovë pasi gjykata ka vendosur më në fund t’ia rikthejë pasaportën.
Lideri i AAK-së Ramush Haradinaj është nisur në qytetin e Kranj për të marrë pasaportën e konfiskuar nga autoritetet policore sllovene më 17 qershor në aeroportin e Lubjanës.
Për kthimin e pasaportës ka vendosur Gjykata Themelore e Kranjit e cila gjatë ditës së sotme ka shqyrtuar ankesën e policisë për të verifikuar fletë-arrestin e qeverisë së Serbisë.
Në Kranj, bashkë me Haradinajn, ka udhëtuar edhe ambasadori i Kosovës në Lubjanë, Nexhmi Rexhepi.
Gjatë orëve të mëngjesit të ditës së sotme
Gjykata e qarkut Kranj ka vendosur se Ramush Haradinaj duhet të mbetet në Slloveni pasi Gjykata duhet të procedojë ankesën, para se ajo të vazhdojë së trajtuari kërkesën e Serbisë për ekstradim.
Gjykata ka vendosur të shqyrtojë ankesën e ardhur nga policia
Gjykata ka vendosur që padia të jetë komplete pasi ajo nuk përfshin autorizimin për avokatin nga ana e ngritësit të akuzës në mënyrë që ajo të mund të të procedohet, thekson STA.
Ramush Haradinaj është ndaluar të mërkurën pasdite në aeroportin e Lubjanës derisa po kthehej nga Gjermania në Kosovës. Fletë arrestin për në Interpol me akuzën për krime lufte në Kosovë e kishte dorëzuar Serbia. /tesheshi.com/
