Takimin jo-formal të lidërve të Ballkanit Perëndimor, zhvilluar këtë të shtunë në Durrës, kryeministri Rama e ka komentuar shumë shkurt, me anë të një statusi me tre fjali në FB. Por ajo që vihet re, është një frazë që të kujton slloganin e LSI-së në zgjedhjet lokale të 2015-ës, “Të ecim më shpejt”
“Ditë e mirë pune për rajonin e për Shqipërinë. Qoftë me bashkëpunimin rajonal qoftë me integrimin europian, do të ecim më shpejt. Për më shumë ekonomi dhe punësim. Për #ShqipërinëqëDuam”, shkruan Rama.
Sllogani “Të ecim më shpejt”, konsiderohet si më i dobëti në 25 vite pluralizëm. Është aq pak gjurmëlënës, sa vetëm thjeshtëzimi që Rama i ka bërë punimeve të samitit mund ta risjellë në kujtesë. /tesheshi.com/
