Kryeministri Rama lëshoi një tjetër kritikë ndaj rivalit të tij Basha, mbi mënyrën se si ky i fundit ka vendosur të pritet nëpër qytete, sipas Ramës në shkelje të rregullave COVID, që sipas tij është diç e sajuar.
Aty, i pari i qeverisë thotë se lut Zotin që këto lloj tubimesh mos çojnë akoma dhe më shumë njerëz në spitale.
“Të gabosh është njerëzore, të këmbëngulësh në gabim është djallëzore”, thoshin latinët.
Kjo këmbëngulje prej shejtanbudallai në fajin e kërcënimit të shëndetit të njerëzve për interesin mizerabël të një fushate edhe më mizerabël, me makina, bori, zhurmë e turmë, duke bërë përshesh në çdo shesh, është një djallëzi prej njerëzish pa vizion, pa karakter, pa përgjegjësi e as fije njerzillëku.
*Sot në Tiranë, ku vazhdon vaksinimi masiv e në Korçë, ku u krye një tjetër faj i shëmtuar infektimi masiv.
(Lus Zotin që për dy a tre javë që i duhen virusit të kapë rrugët e frymëmarrjes, këta njerëz të verbër e të keqpërdorur, të mos përfundojnë spitaleve për mullaqet e Lulëzimit e për mustaqet e Saliut”, shkruan Rama. /tesheshi.com/
