Kryeministri Rama ishte në Tushemisht të Pogradecit, në fshatin e quajtur ndryshe të Teto Ollgës – Morena në filmin “Zonja nga qyteti”, ku prezantoi përfshirjen në projektin “100 fshatra”.
“Do të kemi një ‘lungo gjol’ nga hyrja e Pogradecit deri këtu. Një segment i posaçëm i shkëputur i kësaj linje do të jetë edhe segmenti që do të ndërtohet në Lin. Punën ta avancojmë në cdo aspekt të programit, modelet dhe pikat e referimit që do të krijojnë gravitete të ndryshme, të një rilindje rurale të shtrirë në të gjitha komponentët e zhvillimit”, tha Rama.
E kjo sipas tij do të ndodhë sapo Pogradeci të rimerret sërish nga PS. Siç dihet, bashkia e këtij qyteti u morr nga PD në zgjedhjet e fundit lokale, edhe pse konsiderohej “e fituar” për shkak të modelit “Artan Shkëmbi” në qeverisje lokale. /tesheshi.com/
