Kryeministri Edi Rama i është kthyer sërish Akademisë së Shkencave, duke e quajtur një “kufomë të vetvetes”. Refuzues i financimit të mëtutjeshëm të trupës akdemike të atyshme, me shkas mosreformimin e saj dhe frymës që përfaqson, Rama, prezent në një diskutim pikërisht me temë reformimin, që po aq i ashpër sa dhe herë të tjera
“Unë kam kërkuar reformimin e Akademisë si një proces që në këndvështrimin tim duhet të vinte në udhën e një reflektimi brenda jush, brenda gjithë trupës së përfshirë në këtë institucion me propozime konkrete mbi të cilat pastaj ne do të mund të zhvillonim një diskutim të përbashkët.
E vërteta është që pavarësisht ftesës dhe përpjekjes sonë, ne nuk patëm asnjë reagim që të na nxiste në këtë proces ku humbëm, humbët më shumë se një vit, në një inerci që është inercia e kalbëzimit të vazhdueshëm të një institucioni që dikur u krijua si xhevahiri më rrezatues i kurorës së dijes shqiptare dhe sot është burim pezmatimi permanent për të mos thënë brengë për të gjithë ata që e themeluan Akademinë e Shkencave dhe i dhanë asaj shkëlqimin e autoritetit të tyre.
Kjo situatë na ka shtyrë të çojmë përpara idenë e refuzimit për ta finacuar më tutje këtë institucion em paratë e taksapaguesve dhe sic e kam thënë në diskutimin që kemi pasur më parë, e vërteta është që Akademia e Shkencave sot është kufoma e vetëvetes. Ajo nuk reflekton as vizionin e etërve themelues dhe më vjen mirë që kam përballë një ndër studiuesit më të nderuar Luan Omarin, i cili është edhe një dëshmitar i gjithë rrugëtimit të këtij institucioni dhe rrënimit të këtij institucionit. Akademia nuk ka arritur të reflektojë në asgjë ndryshimet që kanë ndodhur dhe transformimin epokal të botës shqiptare nga një botë e mbyllur dhe e centralizuar në një botë që është shumë më e madhe se kufijtë e Shqipërisë sot”, ishin këto disa prej komenteve të Ramës për Akademinë e Shkencave. /tesheshi.com/
