Kryeministri Edi Rama ka folur për qëndrimin e Shqipërisë për krizën e refugjatëve, në samitin që po zhvillohet në Vjenë për këtë qëllim e ku marrin pjesë vendet e Ballkanit. Sipas tij, Shqipëria ka një pozicion të qartë për çështjen.
“Ne as nuk mund të çelim kufijtë, por as nuk mund të tradhëtojmë vlerat dhe parimet e BE-së. Marrim pjesë në këtë përpjekje nëse është e përbashkët dhe e mirorganizuar”, ka thënë Rama, cituar në një njoftim për shtyp të Kryeministrisë.
Ndër të tjera, Rama ka shprehur shpresën e tij për një rekomandim pozitiv për hapjen e negociatave nga Komisioni Europian.
“Shpresoj të marrim atë që na takon pas gjithë kësaj pune të madhe që kemi bërë. Hapja e negociatave me BE-në na fut në një fazë të re në mandatin e dytë qeverisës”, ka thënë Rama. /tesheshi.com/
