Fjalimin e tij javor, kryeministri Rama e ka shfrytëzuar për të çuar mesazhin në oponion se pothuajse futet në fushatë pa e llogaritur më PD-në. Për këtë arsye, ai e quajti të pazakontë, por të paevitueshme për shkak të bojkotit, duke thënë se një cikël i ri politik e pret Shqipërinë pas 18 qershorit.
Sipas tij, votimi i parë në legjislaturën e re do jetë vettingu, për të vijuar më pas drejt negociatave për anëtarësim në BE. Për Ramën, tashmë nuk ka asnjë shpresë se PD mund të futet në zgjedhje.
“18 qershori, një proçes i vështirësuar artificialisht nga një parti historike e Shqipërisë dalë prej bunkerit të diktaturës. Sot për fat të keq është kthyer në një bunker plasmasi, po shkruan e izoluar nga bota dhe Europa faqen më të zymtë të historisë së saj”, tha Rama.
Shefi i qeverisë e kishet shfrytëzuar më së miri letrën e eurokomisionerit Hahn, për të hartuar me të mesazhin e tij drejtuar shqiptarëve, që të vijnë e votojnë më 18 qershor, siç tha Rama, për një Shqipëri europiane.
“Jo vetëm në letrën e Komisionerit Hahn, por edhe nga të gjithë ndërkombëtarët Vettingu dhe reforma në drejtësi do të vendosin fatin europian të Shqipërisë”, tha kreu i mazhorancës.
Fjalimi i tij ishte më i gjatë se zakonisht, duke iu referuar atyre të mëparshëmëve në komunikimin javor, ku në fund iu kujdes të tregohej dhe folklorik në kumtimin politik. Rama iu referuar Skëndërbeut, Ismail Qemalit, rilindasve, dëshmorëve e flamurit, si për t’i bindur shqiptarët se kësaj herë nuk bëhet fjalë për parti, por për Shqipërinë. /tesheshi.com/
