Si çdo fundviti dhe si çdo kryeministër, Edi Rama ka shtruar një darkë me gazetarët, ku fjalimi para tyre, siç dhe pritej, ka qenë plot sarkazma.
“Dikur kam qenë edhe unë si ju. Zoti na ruaj të isha dhe unë gazetar si ju, por shkruaja në faqet e shtypin, kundërshtar i qeverisë. Megjithëse jam prapë mes jush, nuk është si më parë, unë jam mes jush tani si kavia kryesore e punës tuaj. Mblodha disa detaje se çfarë kishit bërë me mua për një vit, si lëndë e parë e prodhimeve tuaja. Shumë mund është derdhur këtë vit për të më bërë copa e çika, e për të nxjerrë prej tyre përfundimet për qëllimet e mia të paekzistuara, deformimet, komplekset, frikërat, halat në syrin time, gjëmimet në veshët e mi.”
Ishte këto disa nga frazat e Ramës, ndërkohë që jo më pak sarkastik karshi tij ka qenë gazetari Lutfi Dervishi: “I bëj thirje kryeministrit ta marrë situatën seriozisht se mund ta pësojë si në Belgjikë, ku qytetarët preferojnë të qeverisin pa kryeministër. Ka patur premtim se nuk do vjedhim si këta që ikën, por ne do vjedhim ndryshe. Duhet falënderuar qeveria sepse falë punës së saj 3 programet më të ndjekura kanë qenë portokalli, fiks fare dhe alpazar. Uroj mos të dalë ndonjë problem se mund të mblidhet qeveria në mesnatë dhe u jep zgjidhje problemeve me koncesion.”
/tesheshi.com/
