Luan Rama, zv.kryetar i LSI-së, kërkoi nga Prokuroria të nisë hetimet në lidhje me mosfunksionimin e radarëve që monitorojnë hapësirën detare.
Rama tha se radarët ende nuk funksionojnë, ndërsa shtoi se kjo është denoncuar edhe nga Drejtori i Përgjithshëm i Policisë së Shtetit, i cili ende nuk ka marrë një përgjigje.
“Radarët nuk punojnë, shteti në gjumë! Në punë janë vetëm trafikantët!…
Po e them drejtpërdrejtë: Sistemi i Integruar i Vëzhgimit të Hapësirës Detare (SIVHD – thënë më thjeshtë sitemi i radarëve) në Republikën e Shqipërisë, anëtare e NATO-s, nuk punon!
Për të qënë më i saktë, ka gati dy vjet që ky sistem nuk është operacional! Ndërkohë, pagesat nga ana e Ministrisë së Mbrojtjes për mirëmbatjen e ketij sistemi janë kryer rregullisht dhe në kohë!
Çfarë duhet të ndodhë më shumë se kaq që shteti të zgjohet nga gjumi dhe institucionet e zbatimit të ligjit të kryejnë detyrën?!
Çfarë pret Prokuroria që nuk nis hetimet?
Apo që trafikantët e kriminelët të vazhdojnë të bëjnë siç kanē bërë?!
Drejtori i Përgjithshëm i Policisë së Shtetit e ka denoncuar këtë realitet mbi një muaj më parë!
Dhjetë ditë më parë, unë publikisht i kam kërkuar Prokurorisë të nisë hetimet! Çfarē pritet akoma?! Mosveprimi i shtetit është bashkëfajësi në krim!
Edhe një herë po e përsëris: radarët nuk punojnë! Shteti ende në gjumë! Në punë janë vetëm trafikantët!…”, shkruan Luan Rama në një postim në rrjetet sociale. /tesheshi.com/
