Nga Gjermania, kryeministri Rama iu përgjigj ironikisht një kërcënimi të radhës së presidentit Meta, i cili tha se do shpërndante parlamentin nëse miratohej nmjë ligj i paralajmëruar për kompetencat e kreut të shtetit.
“Nuk i kam ndjekur deklaratat e Presidentit, nuk përbëjnë asnjë surprizë. Në çfarëdolloj forme që ata të ata të materializohen, presidenti ka një raport shumë personal me rrotullimin e hënës, kështu që varet nga dita dhe varet nga kahja e hënës në momentin kur flet…”, theksoi Rama.
Ai njëherësh paralajmëroi opozitën se nuk do mundet të bllokojë procesin e implementimit të ndryshimeve në Kodin Zgjedhor.
“Zgjedhjet janë me 25 prill, votimi i ligjit zgjedhor është vetëm hapja e një procesi ku pastaj do të duhet që të zbatohet ligji zgjedhor, por të mos harrojmë që në ligjin zgjedhor kemi edhe angazhimin për sistemin e identifikimit elektronik dhe sa më shumë humbitet kohë aq më pak bëhet i mundur implementimi i këtij sistemi, edhe njëherë e përsëris, opozita është e mirëpritur të diskutojë, të japë alternativa, por që të pengojë procesin siç e ka zakon duhet ta harrojë një orë e më parë sepse nuk ka kohë për të pritur dhe sigurisht që ne nuk do të presim në pafundësi“, deklaroi Rama. /tesheshi.com/
