Kryeministri Edi Rama, ka bërë të ditur se do t’i drejtohet opozitës për një marrëveshje për të ndryshuar në Parlament Kushtetutën për të kryer reformën për drejtësi. Në një intervistë për top Channel, kryeministri shqiptar, pyetjes se si do ti gjenit m93 vota për të miratuar ndryshimin e Kushtetutës, u përgjigj i bindur se reforma do të kalojë në Kuvend, pa bërë të ditur detajet.
Rama deklaroi gjithashtu se drejtësia do të pastrohet menjëherë sapo reformat ë miratohet në Parlament. Kreu i qeverisë, i është përgjigjur pa replika akuzave të Presidentit Nishani, në lidhje me atë që reforma në drejtësi po bëhet nga ekstremistë partiakë.
“Besoj se, nuk mund të biem në një mendje, që ekspertët e Komisionit të Venecias, ekspertët e Këshillit të Europës, ekspertët e Bashkimit Europian, ekspertët e OPDAT-it – misionit amerikan për të asistuar drejtësinë në Shqipëri, – dhe gjithë ekspertët e tjerë të mbledhur në procesin më intensiv dhe gjithëpërfshirës që ka njohur ky vend, pas procesit të Kushtetutës së re, janë militantë partiakë”, tha Rama.
/tesheshi.com/
