Kryeministri Rama lajmëroi nisjen e vaksinimit të mësuesve që nga e hëna, proces i cili do të kryhet në shkolla.
“Vaksinimi i mësuesve do të shtrihet ditën e hënë në të gjithë Shqipërisë, sipas njësive administrative dhe me shkolla që do të shërbejnë si njësi vaksinimi. Ka orare dhe do të vijnë të bëjnë vaksina.
Është një hap i madh para dhe në ditët në vijim do të kemi një lajm shumë të mirë për të ardhur më shumë vaksina. Do të arrijmë që të kryejmë vaksinim intensive”, theksoi i pari i qeverisë, një dytë pasi priti në Rinas sasinë e radhës, e cila ishte e llojit AstraZeneca.
Por për këtë lloj po ka debate ditët e fundit, duke e futur në rrethin e dyshimeve për efektet anësore.
“Vaksina AstraZeneca është pezulluar, është e vërtetë, por ju jeni në detyrimin e madh profesional dhe njerëzor që të mos bëheni përçues të të pavërteta dhe lajmeve të pakonfirmuara. Sasia që morëm dje erdhi nga Suedia. Dhe nuk do të lejonte të vinin nëse do kishte diçka.
Drejtori i Institutit Publik në Shëndetësor në Itali tha se ka një seri të veçantë që është pezulluar për të bërë verifikimin. Në Britani po vaksinohen me këtë vaksinë dhe nuk ka shanse të jetë një injeksion që të shkaktojë situata dramatike për shëndetin.
Ka shumë luftë tregtare, mos e harroni!”, theksoi Rama. /tesheshi.com/
