Qeveria qendrore irakiane tha të martën se po i jep Qeverisë Rajonale të Kurdistanit (KRG) tri ditë për të dorëzuar kontrollin e aeroporteve, për të parandaluar një embargo ajrore ndërkombëtare.
KRG, kryesuar nga Masoud Barzani, mbajti një referendum të diskutueshëm pavarësie, pavarësisht kritikave dhe kundërshtive të shumta.
Bagdadi javën e kaluar kërkoi nga vendet e huaja të ndalonin fluturimet direkte në Irbil dhe Sulaymaniyah në territorin e KRG, por vetëm Irani shpalli një embargo të tillë, duke ndaluar fluturimet direkte në Kurdistan.
“Referendumi do të ketë një ndikim negativ në të gjithë Irakun dhe KRG, dhe ne nuk do të bëjmë kompromis për unitetin dhe sovranitetin e Irakut”, tha kryeministri irakian Haider al-Abadi.
Abadi gjithashtu tha se qeveria qendrore vendosi të marrë kontrollin në të gjitha portat kufitare.
“Zyrtarët e KRG nuk kanë dëgjuar nga aktorët vendorë, rajonalë dhe ndërkombëtarë se referendumi nuk ishte kushtetues. Portat kufitare në KRG janë subjekt i kontrollit të Agjencisë së Kontrollit të Kufirit në Irak. Nëse kalimet kufitare nuk i dorëzohen Bagdadit brenda tri ditëve, ne do të ndalojmë të gjitha fluturimet ndërkombëtare nga dhe për në KRG”, shtoi Abadi.
Vendimi i KRG për mbajtjen e referendumit ka shqetësuar fqinjët e saj, përfshirë Turqinë dhe Iranin, si dhe SHBA-të, BE-në dhe OKB-në, të cilët thanë se referendumi vetëm se do t’i zhvendosë nga lufta e vazhdueshme kundër Daesh-it dhe do të destabilizojë më tej rajonin.
Referendumi jo i detyrueshëm i së hënës u zhvillua në zonat e mbajtura nga KRG, duke përfshirë zonat e kontestuara midis Irbilit dhe Bagdadit si Kirkuku i pasur me naftë. /tesheshi.com/
