E përditshmja ‘DITA’, e njohur si gazetë më afër së majtës, ka zgjedhur të ketë në qendër të trajtesave të saj sot çështjen e hashashit, ku nëpërmjet një shkrimi i drejtohet ministrit Tahiri me një sërë pyetjesh gjysëmretorike, të tipit:
Si ka mundësi që forca e shtetit që i tregoi dhëmbët Lazaratit, por edhe Dukagjinit etj, nuk paska funksionuar aq sa për t’u mbushur mendjen kultivuesve dhe trafikantëve se kjo punë ka marrë fund?
Pse tani ka parcela hashashi të mbjella gjithandej, në jug, Shqipëri të mesme, veri; nëpër skërka e lëndina midis pyjesh, e kudo?
Pse çmimi i hashashit është pothuajse dhjetëfishuar deri në shitjen fundore?
Pse një vend të veçantë zë tashmë Tepelena dhe malësitë e saj, ku hashashi (i raportuar konfidencialisht nga Forca Ajrore italiane) po lulëzon në sasira si kurrë më parë?
Ditë më parë u shënua një tjetër skandal në drejtimit të trafikimit të drogës, ku në Itali u kap një avioni i vogëI i ngarkuar më lëndë narkotike, i ardhur nga Shqipëria.
Në shkrimin e të përditshmes ‘DITA’ hidhen dyshime të forta për implikim të strukturave më të larta të rendit, e pa dyshim qeveritare, në përhapjen në masë kaq të madhe të kultivimit të drogës në gjithë territorin shqiptar…përveç Lazaratit.
