Presidenti rus Vladimir Putin, në një përshëndetje të përvitshme të dërguar për homologun amerikan Donald Trump, tha se Moska është gati për dialog mbi “një gamë të gjerë temash” – njoftoi Kremlini.
“Vladimir Putin theksoi se marrëdhëniet e Rusisë dhe SHBA-së janë më të rëndësishme për sigurimin e strategjive të stabilitetit dhe sigurisë ndërkombëtare”, thuhet në deklaratën e Kremlinit.
“Putin konfirmoi se Rusia është e hapur për dialog me Shtetet e Bashkuara për shumë”, shton deklarata.
Në fund të nëntorit, Trump papritmas anulloi takimin e dakorduar me Putin në samitin e G20 në Argjentinë, duke dhënë si shkak sekuestrimin e tre anijeve ukrainase nga forcat ruse dhe arestimin e ekuipazhit të tyre.
Ndërsa në një urim të veçantë për presidentin sirian Bashar al-Assad, Putin premtoi se Rusia do të vazhdojë të ndihmojë qeverinë siriane dhe njerëzit, siç tha, “në luftën kundër terrorizmit, mbrojtjen e sovranitetit dhe integritetit territorial”.
Putin u dërgoi letra përshëndetëse për fundvit edhe lidërve të tjerë të botës, përfshirë kryeministren britanike Theresa May, kryeministrin japonez Shinzo Abeo dhe presidentin kinez Xi Jinping.
Putin uroi gjithashtu “mirëqenien për britanikët”, u tha nga Kremlini.
Ambasada ruse në Londër tha të premten se Moska dhe Londra kishin rënë dakord të rikthejnë një numër të shtabeve të ambasadës pasi dhjetra diplomatë u dëbuan më parë këtë vit.
Britania ka dëbuar 23 diplomatë rusë pas rastit “Skripal”.
Rusia mohoi çdo lidhje me helmimin dhe u përgjigj duke dërguar në shtëpi në numër të njëjtë diplomatësh britanikë. /tesheshi.com/
