Vladimir Putin foli në televizionin “Russia 1” për rikthimin e Donald Trump në Shtëpinë e Bardhë dhe sesi ky zhvillim do të ndikojë në Evropë.
Presidenti rus vlerësoi se republikani ka aftësinë “të rivendosë shpejt rendin” tek elitat evropiane, të cilat deri vonë “po zbatonin të gjitha urdhrat e Bidenit”.
“Ju siguroj: Trump, me karakterin e tij, me këmbënguljen e tij, do të rivendosë rendin atje (në Evropë) shumë shpejt. Dhe të gjithë, do ta shihni, do të qëndrojnë te këmbët e zotërisë së tyre dhe do të tundin pak bishtin. Gjithçka do të bjerë në vend”, tha Putin.
Elitat evropiane e pëlqyen më shumë Joe Biden, por Donald Trump ka ide të ndryshme për atë që është e mirë dhe çfarë është e keqe, shtoi presidenti rus, duke shtuar se “Evropa me kënaqësi zbatoi çdo urdhër nga Uashingtoni nën Biden”.
“Politikanët në Europë e luftuan Trumpin, ndërhynë në procesin zgjedhor në SHBA dhe pas fitores së tij u ngatërruan”, tha Putin në një pikë tjetër, duke theksuar se “udhëheqësit evropianë të së kaluarës patën guximin të luftonin për pikëpamjet e tyre, ndërsa sot, sipas tij, elitat evropiane përbëhen nga individë që janë politikisht të vegjël. “Nga pikëpamja e interesave evropiane, kjo është një fatkeqësi”, tha Putin.
Sa i përket ngjarjeve të Aushvicit dhe faktit që Rusia nuk ishte e ftuar në to, Putin tha se “kjo është, natyrisht, diçka kaq e çuditshme dhe e turpshme për ata që e bënë atë”. /tesheshi.com/
