Pushimet në resortet spanjolle janë kthyer në një frenezi të tmerrshme përleshjesh në klubet e natës ku përdorimi i pijeve alkolike dhe narkotikëve sjell vetëm kronika të zeza për median europiane.
E njëjtë ka ndodhur edhe sot, ku agjencia italiane ANSA flet për vdekjen e një italiani në lokalitetin turistik spanjoll Lloreta de Mar, në Costa Brava.
Niçolò Ciatti, një 22-vjeçar nga Firence është rrahur aq shumë në një nga diskotekat e qytetit turistik sa ka humbur jetën prej dhunës shtazarake.
Ansa citon burime policore që thonë se nuk kuptohet se nga ka ardhur kjo ligësi demoniake që e kanë rrahur deri në vdekje.
Policia ka arrestuar tre persona, të cilët kanë qenë totalisht të papërgjegjshëm dhe nuk kanë pasur asnjë sens logjike në komisariat. Madje siç bën të ditur gazeta spanjolle El Mundo, ata as nuk mbanin mend mirë çka ndodhur.
Qeveria italiane ka kërkuar menjëherë nga Spanja të zbardhë çështjen dhe të dërgojë para drejtësisë fajtorët. /tesheshi.com/
