Dihet që të rrish në këmbë gjatë gjithë ditës ndërsa je në punë është shumë e lodhshme, por nëse keni një punë ku jeni të detyruar të rrini ulur, përpara një kompjuteri në zyrë, kjo është më keq akoma.
Ky përfundim vjen nga një raportim i kërkuesve në disa universitete të njohura britanike (Chester, Leicester, Sheffield Hallam e la University College London), sipas së cilave, problemet e shkaktuara nga puna janë më shumë të lidhura me sedentaritetin e tepërt.
Ata që e ndjejnë më shumë lodhjen janë muskujt e shpinës dhe të qafës. Dhimbja e shpinës është problemi më i zakontë i mungesave në punë të punëtorëve që punojnë në zyrë dhe ulur për një kohë të gjatë.
Kërkimi shkencor sjell edhe disa këshilla që duhet të ndjekin personat që rrinë ulur. Duhet që të ngriheni herë pas here nga karrigia, të lëvizni dhe të bëni disa ushtrime të vogla gjimnastikore.
“65-75% të orëve të punës në zyrë kalohet përpara tavolinës së shkrimit dhe mbi 50% e kohës totale kalohet vetëm duke punuar dhe pa bërë asnjë pushim”,- thonë autorët e studimit
Studimi i plotë është publikuar në revistën shkencore British Journal of Sports Medicine./tesheshi.com/
