![Një ushtar izraelit qëndron me kompleksin e Xhamisë Al-Aksa në sfond [Dosje: Maya Alleruzzo/AP Photo]](https://tesheshi.com/wp-content/uploads/2024/12/Kolonet-izraelite-shkelin-status-quo-ne-ne-kompleksin-e-xhamise-Al-Aksa-360x180.webp)
Nënshkrimi i Marrëveshjes së Stabilizim Asociimit, ndryshimet Kushtetuese për themelimin e Gjykatës Speciale si dhe marrëveshjet e arritura me Serbinë. Këta janë hapat e suksesshëm që ka bërë vendi ynë thuhet në Raportin e Progresit për Kosovën për vitin 2015.
Raporti ka kritikuar veprimet e opozitës, për të cilat ka rekomanduar që të gjendet zgjidhje që të zhbllokohet puna e Kuvendit.
Samuel Zhbogar, shefi i Zyrës së BE-së në Kosovë/Përfaqësuesi Special i BE-së, ka theksuar se përkundër një viti sfidues, Kosova ka dëshmuar të arritura të mëdha, në mënyrë të veçantë nënshkrimin dhe ratifikimin e Marrëveshjes së Stabilizim Asociimit, si një e arritur e rëndësishme dhe marrëdhënie e parë kontraktuale në mes të Kosovës dhe Bashkimit Evropian.
“Kjo Marrëveshje do të thellojë lidhjet politike, ekonomike dhe tregtare në mes të Kosovës dhe BE-së. Ajo do të krijojë kornizën kryesore për marrëdhëniet në mes të BE-së dhe Kosovës, duke e përgatitur më tej Kosovën për në rrugën e saj evropiane.”
Zhbogar tha se përkundër një vonese në formimin institucioneve pas zgjedhjeve të vitit 2014, ata kanë arritur të nxjerrin ligje të rëndësishme: pakoja gjyqësore dhe pakoja për të drejtat e njeriut – qenësore për procesin e liberalizimit të vizave. Mirëpo, me bllokimin e Kuvendit të Kosovës përsëri, po vonohen edhe reformat kryesore që i duhen Kosovës.
“Kosova nuk ka kohë për të humbur. Koha e humbur e largon Kosovën nga një e ardhme më e mirë për popullin e saj, fëmijët e saj.”
Zhbogar nënvizoi një numër çështjesh nga raporti.
“Rënia e normave të interesit për kreditë afariste dhe rritja e fundit e IHD paraqet një progres të rëndësishëm që mbështet zhvillimin afarist. Progres i mirë është arritur në zhvillimin e kornizës strategjike gjithëpërfshirëse për reformat në administratën publike dhe në përmirësimin e legjislacionit, mirëpo një angazhim politik i fuqishëm e i vazhdueshëm është qenësor”.
Sundimi i ligjit, mbetet i dobët
“Sistemi i sundimit të ligjit mbetet i dobët, gjykatat mbeten të ngadalshme dhe joefikase. Organet gjyqësore dhe zbatimi i ligjit mbeten të pritura për të pasur ndër1hyrje politike. Korrupsioni dhe krimi i organizuar mbeten një sfidë kryesore dhe në këtë drejtim nevojiten përpjekje të mëdha për konfirmimin e bindjeve në rastet e tilla, përfshirë këtu edhe ato në nivelin e lartë”.
Vlerësohet pozitivisht krijimi i Gjykatës Speciale
“Kosova ka treguar kurajë dhe pjekuri politike në vendimin për të krijuar Dhomat e Specializuara për të ndjekur supozimet që janë paraqitur në raportin e Këshillit të Evropës. Ajo ka vazhduar të ketë një qasje konstruktive në dialogun e saj me Serbinë, të lehtësuar nga BE. Një ndjenjë e nevojshme dhe e rekomandueshme e kompromisit ka mundësuar marrëveshjen për themelimin e Asociacionit/Komunitetit të komunave me shumicë serbe në Kosovë si dhe marrëveshjet për telekomunikacion, energji dhe liri të lëvizjes. Kosova ka trajtuar sfidat e çështjes së migrimit, si rezultat i së cilave shifrat e migrimit për Kosovën kanë rënë në mënyrë drastike.”
“Përkundër shumë sfidave që ende ndodhen para për Kosovën, ne kemi arsye për optimizëm. Me ratifikimin e pritur të Marrëveshjes së Stabilizim Asociimit nga parlamenti Evropian në fillim të vitit të ardhshme, ne do ta kemi një mjet të fuqishëm për dialogun politik, reformat dhe ndryshimin konkret për jetë më të mire për popullin e Kosovës. Fokusi tani duhet të jetë në tregimin e rezultateve në zbatimin e kësaj Marrëveshjeje. BE-ja do të ofrojë mbështetjen e saj dhe këshillimin për Kosovën në këtë punë të rëndësishme”, përfundoi Zhbogar.
Për të gjetura të detajuara dhe rekomandime për Kosovën, shihni MEMO-n për Kosovën
Strategjia për zgjerim dhe Raporti për Kosovën 2015 në dispozicion në:
http://ec.europa.eu/enlargement/countries/strategy-and-progress-report/index_en.htm
Zyra e BE-së në Kosovë/Përfaqësuesi Special i BE-së ka përgatitur një video të shkurtër për Raportin 2015 për Kosovën, për të treguar se qëllimi konkret i Raportit është të ndihmojë Kosovën që të lëvizë para në zhvillimin e saj politik, ekonomik dhe social, në një mënyrë që të ketë përfitime konkrete për qytetarët.
Video me titra në shqip:
Linku i videos: https://www.youtube.com/watch?v=yhurNm5r1zI
/tesheshi.com/
