Trajneri përfaqësueses së Kosovës, Albert Bunjaku ka publikuar listën e futbollistëve të gatshëm për miqësoren ndaj Shqipërisë. Por në konferencën për shtyp, Bunjaku më shumë se miqësore, e quajti atë vëllazërore dhe festive .
“Është një ndeshje e veçantë dhe interesante dhe me emocione. Kjo ndeshje do të jetë festive për të dyja palët, pasi besoj se duhet ta përkrahim dhe ta përgëzojmë Kombëtaren e Shqipërisë për suksesin e arritur dhe do të kisha thënë se slogani i kësaj ndeshje është: “Të festojmë së bashku”. Unë besoj se të gjithë do të përqendrohemi në një lojë festive dhe natyrisht të mos mendojmë si një konkurrencë mes dy përfaqësueseve që gjithsesi është, por jo në formën klasike”, tha Bunjaku.
Më pas ai pati një kërkesë të veçantë për mediat. “Unë i lus mediat që të përmbahen nga pyetjet politike dhe të angazhohen në aspektin sportivë. Ta shfrytëzojmë këtë rast një nga më të mirët. Kjo ndeshje duhet të jetë madhështore sepse adhuruesit kanë dëshirë të shohin të gjithë lojtarët sepse kjo përbërje e kombëtares shqiptare është ndër më të mirat e të gjitha kohërave”, përfundoi Bunjaku.
Lista e lojtarëve të Kosovës:
Portierë:
Samir Ujkani
Visar Bekaj
Mbrojtës:
Loret Sadiku
Ilir Berisha
Avni Pepa
Alban Pnishi
Fanol Përdedaj
Leart Paqarada
Denis Markaj
Mesfushorë/sulmues:
Enis Alushi
Eroll Zejnullahu
Hekuran Kryeziu
Bernard Berisha
Valmir Sylejmani
Besar Halimi
Bersant Celina
Mërgim Brahimi
Shpëtim Hasani
Elbasan Rashani
/tesheshi.com/
