Një protestë e rrallë është shënuar këtë të mërkurë në Milot të Kurbinit, ku një grua 50-vjeçare, së bashku me evletërit e saj ka përfunduar në komisariatin e policisë.
Bëhet fjalë për Marien, të zonjën e familjes Lleshi, e cila prej dhjetë ditësh qëndron jashtë ambienteve të shtëpisë për shkak të përmbytjeve, të ndodhura këto ditë më parë.
Ajo ka pritur që autoritet lokale t’i japin zgjidhje, e kur i ka sosur durimi, ka nxjerrë jashtë banese të gjithë rrobat, ndër to edhe dy bombula gazi, e ka dalë në rrugë të madhe duke e zënë atë; madje duke tentuar që t’u vërë flakën dy bombulave për të tërhequr sa më shumë vëmendjen e autoriteteve, qoftë pra duke shkaktuar edhe incident që mund të kishte pasojë jetën.
Kjo ka bërë që policia e Kurbinit të ndërhyjë e ta shoqërojë 50-vjeçaren në komisariat.
Incidenti është evituar, por kjo nuk i ka dhënë zgjidhje Marijes së gjorë, shtëpia e së cilës është zhytur në llucë.
Dhe ajo pret që tashmë të vënë dorën në zemër dy palë: pushteti lokal për t’i dhënë hall shtëpisë nën ujë, e policisë që ta kuptojë në hallin që ka e që e detyron të shkojë drejt masave ekstreme.
Nga Ahmet Zani -/tesheshi.com/
