Dhuna e policisë ndaj të zinjve të paarmatosur, e parë shpesh këto muajt e fundit, ka bërë që qindra amerikanë të dalin në rrugë për të protestuar.
Rasti më i fundit ishte ai i fatkeqit Walter Scott, një i zi i paarmatosur, i qëlluar në shpinë më 4 prill në Karolinën e Jugut nga një polic i bardhë. Vrasja u regjistrua dhe iu bë e njohur publikut nëpërmjet kanaleve televizive, ndërsa punonjësi i policisë u akuzua për vrasje.
Dhjetëra qenë të ndaluarit pasi protestuesit bllokuan rrugët dhe u dyndën në rajonet policore. Mbi 250 persona marshuan përgjatë Urës së Bruklinit, me parulla ku shkruhej, “Ndal vrasjeve nga policia”. Dymbëdhjetë prej tyre u arrestuan pas një përleshjeje të shkurtër me policinë.
Policia në Los Anxheles ndaloi 15 protestues nga një grup prej 100 vetësh që nuk iu përgjigjën urdhrit për t’u shpërndarë.
Protestues të tjerë në San Francisko rrethuan një stacion policor dhe prishën një takim në ndërtesën bashkiake.
Në Uiskonsin, mbi 100 protestues bllokuan një rrugë kryesore në Medison, ku një polic qëlloi fatalisht një adoleshent të zi muajin e shkuar, e provokoi një seri manifestimesh proteste.
Synimi i protestuesve ishte sjellja në vëmendjen e publikut e përdorimit të forcës vdekjeprurëse nga policia ndaj të zinjve dhe hispanikëve të paarmatosur. /tesheshi.com/
