Një ekip mjekësh nga SHBA ka kontrolluar përgjatë 1 jave një numër të madh të fëmijëve në Kosovë, të cilët kanë probleme dhe anomali në zemër.
Ekipi mjekësor kontrolloi 116 fëmijë, 49 ishin kontrolle për fëmijët të cilët janë operuar më herët, ndërsa 67 raste ishin të reja.
Prej këtyre, 17 fëmijë kanë nevojë për intervenim kirurgjikal, të cilat pritet të kryhen brenda këtij viti.
Ekipin mjekësor e përbënin Robert Raylman, shef ekzekutiv, Dr. Joseph Gaffny, kardiolog, dr. Fatos Rugova , kardiolog, Margaret Challenger, teknike ekografisë dhe infermier Mickey Ëider.
Ky është një bashkëpunim mes organizatës “Gift of Life Internetional” dhe “Gift of Life Kosova”.
Organizata “Gift of Life Interational” ndihmon 1500 fëmijë në vit, në mbi 70 vende të botës për më shumë se 40 vjet. Në fillim të vitit 2009, janë vënë kontaktet e para mes dy organizatave dhe nga 2009 – 2012, vetëm 9 fëmijë ishin ndihmuar nga Kosova. /tesheshi.com/
