Prishtinë: kur “Policia është me ne”!

Kuvendi i Kosovës u ballafaqua me një tjetër situatë të tensionuar, brenda dhe jashtë, me shkak projektligjin e pagës minimale.

Janë shoqatat e veteranëve të UÇK-së që po reagojnë fort dhe ashpër ndaj faktit se nuk janë të përfshira në këtë projektligj.

Kryetari në detyrë i Organizatës së Veteranëve të Luftës së UÇK-së, Faton Klinaku, tha se pushteti i diskriminioi veteranët kur e miratoi të martën projektligjin që përcakton pagën minimale “së bashku me pakicat që gëzojnë të drejta si askush në botë”.

Kështu, ata protestuan sërish para Kuvendit, duke tentuar madje të hyjnë forcërisht në ambientet e brendshme.

Kjo bëri që situata të eskalojë, por që në një moment edhe të relaksohet, pasi policia nisi t’u ofrojë ujë veteranëve në protestë. /tesheshi.com/