Përkundër premtimeve të kreut të komunës së Prishtinës, Shpend Ahmeti, se kryeqyteti do ketë ujë të pijshëm 24 orë, disa lagje e zona rurale vazhdojnë të përballen me reduktime të furnizimit.
Lagjja “Kodra e Diellit”, prej më shumë se një jave ka mungesë të ujit të pijshëm shumë orë gjatë ditës. Banorët e kësaj lagjeje janë shprehur të shqetësuar për këtë duke thënë se nuk e kanë asnjë informatë se përse po ndodhin reduktimet, shkruan “Koha Ditore”.
Ata ndihen edhe të rrezikuar nga mungesa e ujit në këto temperatura të larta dhe të zhgënjyer me premtimet e bëra se pas përurimit të Fabrikës së Ujit në Shkabaj, furnizimi me ujë do të ishte 24 orë pa ndërprerë, gjatë gjithë vitit./tesheshi.com/
