Princi miliarder i Arabisë Saudite Alwaleed bin Talal ka lajmëruar se do të japë të gjithë pasurinë e tij prej 32 miliardë dollarësh, për bamirësi.
Lajmi është bërë i ditur nga BBC. 60 vjeçari Alwaleed, një nga më të pasurit e botës (i 34-ti në listën e Forbes), ka thënë se është frymëzuar nga Gates Foundation, fondacion i themeluar nga Bill e Melinda Gates në vitin 1997.
Pasuria e tij do të shkojë mes të tjerash, për të lehtësuar mirëkuptimin mes kulturave të ndryshme, rritjen e rolit të femrave dhe krijimin e një bote më tolerante.
Paratë do të shkojnë drejtpërdrejtë në organizatën e tij të bamirësisë, së cilës i ka dhënë 3.5 miliardë dollarë. Pjesa tjetër e parave do të dhurohet me kalimin e viteve.
Princi, i cili nuk mban asnjë post zyrtar në qeverinë saudite është president i shoqërisë së investimeve Kingdom Holding Company, e cila ka pjesëmarrje në hotelet Four Seasons, Fairmont e Raffles si dhe aksione në News Corp, Citigroup, Twitter e Apple.
Lajmërimi i tij është bërë gjatë muajit të Ramazanit, në të cilën myslimanët bëjnë bamirësi dhe ndihmojnë personat në nevojë. /tesheshi.com/
