Objekti i kishës në kampusin universitar në Prishtinë vazhdon të jetë temë debati në organin ligjvënës të Kosovës.
Është shefi i grupit parlamentar të Lëvizjes Vetëvendosje, Glauk Konjufca i cili e vlerëson si vepër ogurzeze të Serbisë ndërtimin e kishës ortodokse në oborrin e Universitetit të Prishtinës.
I pari i deputetëve të VV-së, ka komentuar edhe qëndrimin e presidentit Thaçi i cili ditë më parë ka deklaruar se “objekti i kishës nuk guxon të preket”.
Konjufca, këtë deklarim të presidentit e ka quajtur neveritës dhe sipas tij Thaçi qëndrimin pro objektit të kishës po e bën për të shpëtuar nga Gjykata Speciale.
“Nëse ai do ta mbronte kështu Veriu, Kullën e Zhlepit, atëhere ndryshe do t’i kishim punët”, ka thënë Konjufca
Më tej deputeti i VV-së thotë se kryeminsitri serb Alesandër Vuçiq po dëshiron të vazhdojë punën aty ku e ka lënë Sllobodan Millosheviq.
“Pas dhjetëra masakrave në Kosovë qe po i kryenin serbët dhe vetëm 12 ditë pas masakrës se Recakut, Serbia po i festonte këto masakra. Vuciqi po don të vazhdojë punën aty ku e ka lënë Milloshqeviqi”, ka thënë Konjufca në seancën e sotme plenare. /tesheshi.com/
